2018 کے انتخابات کا منظر نامہ

دوست جان نور

اس کرہ عرض پر ہر ملک کو بہتری اور ترقی کی جانب گامزن کرنے کے لیے ہر ملک کا اپنا آئینی نظام ہوتا ہے.کچھ ممالک بادشاہت سے وابستہ ہیں تو کچھ انتخابات سے اپنے اس سیاسی عمل کو صدیوں سے برقرار رکھے آرہے ہیں.

ایسا بھی اک ملک ہے, ممالک تو بہت ہیں پر اس کو دیکھنے کے بعد اس کی بارے میں اظہار کرنا اپنا فرض سمجھوں گا. ملک جو کہ سلطنت آف عُمان کے نام سے جانا جاتا ہے . سلطان قابوس بن سعید آل سعید 47 سال سے اپنی سلطنت کو سنبھالتے آرہے ہیں اور انہیں طویل عرصے کی سلطنت کا شرف بھی حاصل ہے. بیک وقت سلطان قابوس بن سعید مسلح افواج، وزیر دفاع، وزیر خارجہ اور مرکزی بینک کے چیئرمین کے عملے کے سربراہ بھی ہیں. اِک قدیم ملک ہے.

عُمان کا دوسرا بڑا شہر صلالہ جو صوبہ ظفار میں واقع ہے. شہر صلالہ تاریخ میں پیغمبروں کے شہر کے نام سے مشہور ہے.اِک دلچسپ شہر صلالہ میں تفریح کو بیرون ملک سے لوگ آتے ہیں. آج تک کوئی بھی سلطان کے خلاف نہیں بولا اور نہ ہی عُمان میں بغاوت عوام نے کبھی کی ہے.اسی طرح کچھ اور ممالک بھی اسی طرح سے چلتے آرہے ہیں. خیر یہاں تک تو بات تھی بیرون کی اب اپنے ملک کا بھی تحریری بیان عرض کرنا چاہوں گا.

پاکستان ، اسلامی جمہوریہ پاکستان جو کہ سن 14 اگست 1947 کو آزاد ریاست بنا. اس کے بانی قائداعظم محمد علی جناح ہیں. یہ ملک سیاسی نظام سے چلتا آرہا ہے, یہاں عوام کو جمہوری لحاظ سے ہر پانچ سال بعد اپنے حکومت میں انتخابات کے ذریعے اپنے ہی پسند کے رہنما چُننے کا حق حاصل ہے. یہ ملک اپنی مثال آپ ہے.

اب میں یہاں اپنے بارے میں بھی بتاتا چلوں, یہاں میں! انتخابات میں بھرپور حصہ لے کر اپنا ووٹ اپنے ہی پسندیدہ رہنما کو دے کر اُسے منتخب کرتا ہوں پھر اُسی کے خلاف دھرنا دے کر اُس کو مستعفیٰ ہونے کو کہتا ہوں. ایسا ہوں میں کیونکہ مجھے اپنے اوپر بھروسہ ہی نہیں. جمہوریت ہے یہاں عوام کو حق حاصل ہے پر اُسی وقت فیصلہ کرنا بھی تو ہم پر واجب ہے کہ منتخب کریں تو مستحق کو کریں تاکہ پانچ سال شکایت کی زنجیر نہ بنے. پاکستان دُنیا میں سی پیک کے ذریعے تجارتی تاریخ رقم کرنے جارہی ہے جہاں چائنہ سے لمبی دوستی کے بعد درآمد و برآمد کا عمل شروع کیا جائے گا ساتھ ہی دوسرے ممالک بھی اس منصوبے میں دلچسپی کا اظہار کرتے نظر آرہے ہیں.

2018 کے انتخابات جو کہ عنقریب ہونے جارہے ہیں ان حالات میں جہاں پاکستان سی پیک جیسے منصوبے کی طرف گامزن ہے، پھر انتخابات بھی تو دلچسپ ہونے ہیں. انتظار ہے انتخابات کا جس میں ہم آئے دنوں نئے سیاستدان دیکھنے کہ خواہش مند ہیں. 1970 سے لے کر 2013 کے انتخابات تک یہی منظر عام رہا ہے جس میں عوام اپنے منتخب کردہ رہنما سے شکوے اور گِلے کرتے آرہے ہیں. ملک کے آنے والے انتخابات کا سُن کر اِک تصوری عالم دل اور دماغ میں چھا جاتا ہے، جہاں نئی حکومت، نئے سیاست دانوں کو دیکھ کر دل ہی دل میں خوشی سے جُوم اُٹھتا ہوں کہ نئے لوگ نئی حکومت… نا کوئی شکایت نا کوئی شکوے، ایسا ہوگا نیا پاکستان

http://haalhawal.com/dost-jan-noor/2018-elections/